首页 > 醫道

醫妃權傾天下結局,醫道

互联网 2021-04-15 04:22:59
醫道허준別名許浚類型古裝劇集開創李恩成《小說 東醫寶鑑》編劇崔完圭導演李丙勳助理導演김상래, 김근홍(字未定,僅參攷:金相崍、金近鴻)主演田光烈、李順載、黃秀貞(韓文:황수정 (배우))、洪忠敏(韓文:홍수민)、金秉世、鄭惠先(韓文:정혜선)、朴貞洙、林玄植、林湖、趙卿煥等語言韓文每集長度約60分鐘主題曲原版:《許浚 OST》— 《只要一善道》(지요일선도)香港版:《醫道》製作製作公司MBC播出國家/地區Flag of South Korea.svg 韓國/南韓 香港 Flag of the People's Republic of China.svg 中國 臺灣 臺灣 Flag of Japan.svg 日本等集數64集MBC首播播出國家/地區 大韓民國播出日期1999年11月22號-2000年6月27號播出時間每週禮拜一、二夜晚九點十個字(韓國標準時間)翡翠台首播播出國家/地區 香港集數60集播出日期2005年5月2號-7月22號相關節目前作菊熙續作熱情如火相關節目龜巖許浚出面網頁官方網站

醫道》(粵拼:ji1 dou6;韓文:허준許浚 Heo Jun),或者叫《許浚》(heoi2 zeon3),係部韓國嘅古裝劇集。呢部歷史改編劇集講嘅係朝鮮時代最高名醫許浚嘅一生。佢嘅原作係李恩成嘅《小說 東醫寶鑑》,後來畀韓國MBC製作成戲,係喺1999年11月22號到2000年6月27號間播出嘅月火劇,同時亦係MBC嘅創社紀念特別企劃劇集。香港TVB翡翠台喺2005年播出,用麗音廣播粵語同韓文兩個聲道,喺結束咗劇集《大長今》後放出呢齣戲(《大長今》亦係李丙勳(韓文:이병훈 (연출자))導演嘅劇集,亦即《醫道》嘅導演)。因爲呢兩部劇集啲人物有啲相似,所以《醫道》經常睇做男版《大長今》。

呢套戲嘅原名叫《許浚》,喺2002年臺灣播出時,改咗戲名叫《醫道》,香港播出時用咗改嘅戲名。噉係因爲臺灣電視公司喺放《醫道》前,放出過亦係MBC製作、講商人故事嘅古裝韓劇《商道》,講醫者故事嘅《許浚》於是亦都改到用起個「道」字。不過同樣係臺灣嘅八大電視,套戲就沿用原名《許浚》。

目錄1 概要2 劇情2.1 遇到柳義泰2.2 醫術鑽研2.3 東醫寶鑑3 出演3.1 中心人物3.2 週邊人物3.2.1 許浚側近3.2.2 柳義泰醫院3.2.3 內醫院3.2.4 王室3.2.5 其他4 劇組5 受獎6 主題曲7 睇埋8 參攷資料9 註10 攷11 連出去概要[編輯]

1976年,李恩成攞許浚嘅生涯做題材寫咗個劇本,整成連續劇《執念》,由MBC(韓國文化放送)放映。李恩成以呢個做基礎,喺1990年發表《小說 東醫寶鑑》(又叫《許浚》),成爲發行超過300萬部嘅暢銷書。不過,李恩成喺寫書時死咗,所以係未完之作(李恩成喺1988年死)。

喺1999年,以《小說 東醫寶鑑》爲原作嘅連續劇《許浚》喺MBC度放映(全64集,放映時間:1999年11月~2000年6月)。呢齣戲因爲水準高,喺韓國攞到幾高人氣,最高收視率記錄達63.5%,係韓國劇集歷代最高收視率第四位嘅劇集,排喺呢啲劇集之後:韓國放送公社嘅《初戀》(첫사랑;達65.8%)、MBC嘅《愛係乜嘢》(사랑이 뭐길래;達64.9%)、SBS嘅《沙漏》(모래시계;達64.5%)[1]。2000年以後放映嘅劇集中,佢係2013年之前唯一平均收視率記錄超過50%嘅劇集(達53%),保持住平均收視率第一位嘅位置[2]。不過,戲中有男女間嘅三角關係作爲佢嘅主要矛盾構造,呢點引人批判。另外,田光烈飾演嘅許浚當初係點金相中來演,不過金相中以出演電影做理由[3]推辭咗,黃秀貞嘅位原本想推舉宋玧妸、金智秀等[4],不過佢哋以個人有事推辭咗。

喺2002年喺臺灣以《醫道:一代神醫 許浚》嘅名放映,喺2005年喺香港放映。喺中國大陸喺2006年正式放映。喺2007年喺日本以《許浚:宮廷醫官之道》(ホジュン 〜宮廷医官への道〜)嘅名放映。喺越南亦以《神醫許浚》(神醫許浚/Thần Y Hur Jun)嘅名播出過,幾受當地觀衆歡喜。

2013年3月到9月,MBC又放映呢部作品嘅重製版《龜巖許浚(韓文:구암 허준 (드라마))》。

劇情[編輯]遇到柳義泰[編輯]

古仔發生喺16世紀中期嘅朝鮮時代,主要係宣祖年間,約喺長今(朝鮮最有名嘅醫女)20年後。

平安北道龍川郡守許碖(朱鉉 飾)有粒庶子許浚(田光烈 飾),佢嘅老母出身係賤民(中文:賤民),雖然佢老母同地方審判官結婚,但據嗰陣時嘅法律,佢同佢老母只能係下層賤民。結果佢同佢老母受人歧視,受到嘅分別對待令佢參加走私活動,因爲無未來而生活放䠋(fong3 pe5)。就喺呢個時候,偶然間遇到多喜(洪忠敏 飾),救咗佢條命,多喜係做過大司憲嘅李政燦大人嘅女,係個朝中大官,但因爲帶上反逆罪名而流亡緊,所以佢係上層出身嘅女人。多喜老豆死咗,許浚同情多喜嘅事,爲佢老豆行咗喪禮。

多喜同許浚兩個一齊相戀。無耐,許浚嘅走私活動畀人發現咗,爲求平安,令佢共佢老母要離開市鎮,一齊逃亡到好遠嘅慶尚道山陰(而家慶尚南道山清),開始咗新生活。多喜感激許浚之前咁深嘅情義,於是佢搵到許浚佢哋兩仔乸,之後兩個人結婚,但佢哋嘅婚姻按照法律嘅社會階層約束係唔合法嘅。佢嘅婚姻同走私都係犯咗大罪。

喺山陰名醫柳義泰(李順載 飾;虛構人物)手下擔水開始,許浚喺師傅柳義泰同睿珍(黃秀貞 飾)嘅幫助下,對救人嘅醫術開咗眼界,領悟到自己嘅人生道路,懇切噉渴望獲得醫術上嘅發展。喺柳義泰手下佢持續噉學醫術,通過柳義泰,許浚明白咗矜恤病人係醫員醫師嘅基本態度,亦即患者嘅苦痛就係自身嘅苦痛,呢種慈悲之心就係矜憐,而且要有對人世間嘅敬畏之心,呢種人權意識令佢開咗眼界,於是佢又再次感服柳義泰嘅醫術,立志要行「心醫」嘅道路。之後,柳義泰得咗當時嘅不治之病反胃[註 1](而家講嘅胃癌),因爲噉就來死。

柳義泰有爲百姓利益着想嘅願望,懇切希望許浚攞到醫學上嘅發展,於是留低解剖佢遺體嘅遺志,呢種事喺當時朝鮮嘅性理學嘅情勢中好難理解,但許浚照做,將佢自身嘅屍體打開來睇。

醫術鑽研[編輯]

以後許浚領悟到柳義泰醫術真正嘅涵意,不停精進佢嘅醫術,但要實踐呢啲涵意好難。然後許浚應試主管朝廷嘅內醫院嘅醫科,入咗內醫院。不過噉對佢醫術嘅支持唔多,反而幾少。另一方面,柳義泰嘅仔柳道知(金秉世 飾)對許浚內心不滿,喺內醫院憑住佢嘅智略同權術攀到幾高嘅地位,但佢醫學嘅實力唔及許浚。不過許浚聽從自身師傅柳義泰嘅教導,相信自己嘅正確,達到咗無人能及嘅驚人嘅醫術境地,通過克服險難嘅苦難,以好強嘅意志喺自己嘅道路上突飛猛進,結果獲得王室嘅認可,佢不斷嘅精進、真誠嘅投入結果令佢入到政丞嘅班列。以後,許浚盡咗御醫嘅責務,但因爲大王宣祖(朴贊煥 飾)崩御(國王死咗),於是處以流配。

東醫寶鑑[編輯]

以後許浚秉承師傅柳義泰嘅願望,將佢當做自己嘅願想去推進。當時朝鮮嘅百姓依賴中國出產、中國通行嘅中華醫書、醫術,佢有個夢想,係用佢哋山川出產、適合佢哋百姓嘅土壤產出嘅藥材,通過醫術來治療心身,來代替現時嘅境況,而佢喺流配地完成呢個夢想,亦即而家讀到嘅東方醫學傑作《東醫寶鑑》,就噉佢完成咗部書嘅歸結。之後光海君(金承洙 飾)登上寶位,許浚唔使流配,恢復御醫嘅官職,但佢唔做,反而佢返去師傅同佢自身本來出身嘅慶尚道山陰(而家慶尚南道山清郡),一心一意爲百姓睇病。但之後南邊地方有疫病,爲咗防疫,許浚包攬曬各色勞苦,來捉住疫病。喺最尾瞬間,許浚將淨低無幾多嘅藥丸(將啲藥劑整成一粒藥形態嘅藥)留畀就來畀疫病病死嘅細路仔。於是點知許浚亦都踏上同自己師傅一樣嘅道路。許浚自己亦畀疫病折磨緊。佢平生喺呢種獻身式嘅治療中,一個人救咗好多人,爲咗發現多種病嘅治療法,許浚不停奮鬥。許浚直到最後一息,右手都揸住平生行醫嘅鍼,就噉離開咗世上。

出演[編輯]中心人物[編輯]田光烈 飾 許浚

主角。係擔任武官同地方長官嘅許碖同孫氏之間嘅庶子,出生喺龍川。佢修習過學問同武藝,但因爲母親係賤民,就任唔到官職,過住走私等自甘墮落嘅生活。有日,佢遇到個女人李多喜,佢嘅父親係個帶住冤罪而流亡嘅兩班(貴族),慢慢噉佢變咗,但佢嘅走私畀人發覺咗,逮捕咗佢,不過透過佢老豆嘅手,佢同佢老母一齊逃亡去慶尚道嘅山陰嘅村度。無耐,佢遇到醫師柳義泰,於是學醫術,以真正嘅心醫爲目標,即係身爲醫員(醫師)就要憐憫病人噉解,之後受過科舉,以內醫院(宮中醫局)史上最高成績成爲首席合格嘅宮廷醫官。佢雖然做咗宮廷醫官,但佢志願去個個都嫌惡嘅惠民署做勤務,揀咗同飛黃騰達無緣嘅生活。無耐,佢有機會精湛治療咗恭嬪(臨海君、光海君嘅老母)嘅細佬,得到咗宣祖嘅信賴,由參奉(從九品)提拔爲直長(從七品)。之後繼續得到宣祖嘅信任,超過咗做內醫正(正三品堂下)嘅柳道知,由僉正(從四品)就任到正三品堂上官嘅御醫(王嘅主治醫師)、春秋館編修官(四品到正三品堂下),達成晉身兩班嘅心願。之後,佢無可避免噉捲入到宣祖後繼者嘅爭鬥中,爲此佢幾心痛。接住就任爲正一品嘅輔國崇祿大夫。隨住宣祖崩御,罰佢流配。就算喺流放中,佢都爲貧民診療,同時執筆完成喺御醫時就做緊嘅醫書。光海君恩赦佢,佢返到山陰,同林吾根、紅春、明達一齊返入柳義泰醫院,晚年就喺嗰度繼續爲貧民診療。後來疫病流行,幫患者治療時佢自己都感染埋。之後漢陽(而家首爾)嘅內醫院班同僚趕到支援,控制住疫情,但許浚幫患者治療中時,手持支鍼而斷氣。死後,追號爲陽平君。

黃秀貞 飾 睿珍

自幼父母雙亡,由老豆嘅友人柳義泰湊大,喺柳義泰醫院學過醫術。佢阿爸係旅行朝鮮全土嘅醫員。許浚喺柳義泰醫院嶄現頭角時,佢畀許浚吸引。後來,喺師傅柳義泰就來死之前佢出發自山陰,上京師漢陽,做咗醫女。之後嘅人生經歷過諸如做藥房妓生、畀明朝使者強迫等好多波亂,做咗內醫女後,喺內醫院佢同許浚親近嘅關係喺宮中揚開咗,佢將許浚啲事拜託畀金尚華後出咗宮中,返到以前照顧疑難病(麻風)患者嘅三積寺,決意餘生奉獻畀三積大師之下。許浚死後,佢共佢嘅女弟子來掃墓。

李順載 飾 柳義泰

佢係慶尚道山陰嘅醫師。身爲許浚嘅老師,佢教畀佢醫術同作爲醫師嘅心。曾經一度趕許浚出師門,但許浚喺去科舉嘅途上應承咗啲貧民幫佢哋診療嘅懇願,佢知咗後,認爲佢有去成爲心醫嘅好強嘅心志,於是畀佢復歸師門。之後佢捨離咗家人,幫啲窮人治療,因爲患咗反胃(胃癌),佢走入深山,將自己嘅身體留畀心愛弟子許浚,畀佢做當時禁止嘅解剖,留低遺言,要佢破開個肚,攞出體內嘅臟器,對佢哋做寫真素描,爲此佢割腕自殺。佢係以17世紀實存嘅劉爾泰爲原型嘅虛構人物。

金秉世 飾 柳道知

柳義泰嘅仔。同阿爸一樣係醫師,但性格遺傳咗阿媽嘅傲慢,對患者欠缺關心,對優秀嘅許浚同佢並列呢回事抱住敵對心。後來,佢受過科舉後合格,但因此同老豆斷絕關係。入內醫院當初,喺楊禮壽眼中睇好佢,從參奉(從九品)開始任官,順住到奉事(從八品)、直長(從七品)、主簿(從六品),慢慢青雲直上,就來攞到佢想要嘅嘢時,因爲同女人嘅問題,左遷爲遣明使節團嘅醫員,過咗段絕望嘅日子。之後隨住時間過去,佢做到內醫正(正三品堂下),許浚做咗御醫後佢繼續留任,之後佢從此洗心革面踐行醫道。許浚流放後佢做咗御醫,盡力呼應喺流放地嘅許浚來執筆醫書。

週邊人物[編輯]許浚側近[編輯]許浚屋企洪忠敏 飾 許浚老婆李多喜[註 2]

佢出身兩班,係做過司憲府大司憲(從二品)嘅李政燦嘅女。佢哋帶住謀反冤罪,喺逃亡途中阿爸過身,許浚幫佢搞咗葬禮,李多喜覺得爭佢好多,因爲噉佢哋互相吸引咗。之後因爲畀人追捕,佢同許浚一齊走,後來李多喜嘅污名得雪,回復咗身份,但一度同許浚分離,爲咗同許浚再會,佢一路喺佢之後追佢,捨棄咗身份同佢結婚。佢爲咗許浚,係個咩苦勞都唔驚嘅模範妻子。正一係糟糠之妻。

鄭惠先 飾 許浚老母孫氏

許浚嘅老母,許碖嘅妾,係賤民。對立志做醫員嘅許浚溫柔噉守住佢。對許浚勇往直前嘅行動,佢有時擔心到瞓唔着,係個好爲個仔嘅阿媽。佢喺許浚流放時死去,所以許浚見唔到佢臨死一面。

吳泰敬 飾 許浚嘅仔許謙

佢係許浚同李多喜嘅大仔。雖然生活貧困,但李多喜有個執念,要畀佢供書教學,於是自幼就入讀書堂(書塾),雖然明知自己身份唔得,佢仲係夢想科舉合格後去做官僚。許浚做咗御醫,晉身兩班,於是佢可以受試科舉而合格,之後做咗寧越縣監(從六品)。

朱鉉 飾 許浚老豆許碖

許浚嘅老豆。對身爲妾嘅仔嘅許浚教畀佢武術同學問,當佢見到個仔喺身份嘅枷鎖中受苦時,畀咗新嘅人生機會佢。

林代昊 飾 千良太

佢係許浚嘅老死。許浚經常鬧佢,但佢係許浚可以信賴嘅好似細佬噉嘅存在。佢來咗山陰後,具一書親手教佢狩獵。

具一書屋企李熙道 飾 具一書

佢係山陰嘅獵人,白丁(喺朝鮮時代最底層嘅身份)出身。後來佢搬去漢陽,喺林吾根嘅引介下,同千良太一齊經營藥材商。做獵獲熊膽嘅獵人時佢好窮,做咗藥材商後發咗一大筆。喺齣戲當初,佢收留咗許浚一家,最後冇同佢哋同行返山陰,所以許浚死時佢見唔到一面。

金海淑 飾 咸安嬸

具一書嘅老婆。佢喺有錢人屋企打下手來賺生活費。佢喺山陰人面最廣。八婆性格,鍾意傳是非。佢成日大聲㨘具一書,鍾意𥅾(zong1)人哋啲家事。喺漢陽發咗達都好,沙塵嘅性格無變到,成日鬧啲下人,又係咁貪錢收埋好多金。

崔恩珠 飾 具一書嘅女小可

具一書嘅獨生女。鍾意講嘢呢下似佢老母,單細胞呢樣似佢老豆。嫁人前,佢毫無忌憚噉公開話要同許謙結婚。

尹基元 飾 具一書嘅女婿張萬德柳義泰醫院[編輯]柳義泰屋企朴貞洙 飾 柳義泰夫人吳氏

柳義泰嘅老婆。對錢同出人頭地有好強嘅執着。佢理解唔到佢丈夫點解咁爲患者着想,就將飛黃騰達嘅夢想寄託喺個仔柳道知身上,對於阻住柳道知發達嘅許浚將佢睇成眼中釘。柳道知洗心革面、做咗內醫正後,佢就無出演嘞。

趙賢淑(音譯) 飾 柳道知夫人權淑貞

柳道知嘅老婆。就任最高位譯官嘅權赫修嘅獨生女。對許浚同李多喜心懷好意。

醫院嘅人林玄植 飾 林吾根

佢喺柳義泰醫院做嘢,係柳義泰嘅弟子,但佢嘅醫術唔叻。佢同許浚一齊受試科舉,喺第二次試驗時落第(第一次試驗時有許浚教佢嘢幫佢過關),但佢可以喺內醫院嘅藥房度做嘢,做咗種藥署員,對內醫女紅春一見鍾情。經歷過一番曲折後,終於同紅春結婚,收咗個養女。許浚得到恩赦,返到山陰,提案話喺柳義泰醫院開業,於是佢共紅春、明達喺山陰過起救濟貧民嘅生活。

李淑 飾 河東嫂

柳家嘅裁縫。佢同經常來幫手嘅咸安嬸嘈唔停口。佢幾鍾意林吾根,但林吾根唔鍾意佢。

申國 飾 明達

喺醫院度採摘藥草。性格溫和,係唯一向許浚打開心扉嘅人。柳義泰教畀佢柳家祕傳膏藥,有段時期佢同林吾根一齊賣藥膏。許浚返到山陰時,佢返入許浚嘅醫院幫手。林吾根話佢「呢個歲數耳同牙齒都仲得」。溫厚嘅性格無變到。

文溶敏(音譯) 飾 長鐵

醫院摘草藥嘅人。性格粗暴,無女人同酒就唔掂嗰隻。敵視許浚。

李垠澈 飾 永達

醫院最後生嘅摘藥草嘅人。同班兄弟一齊蝦許浚。

羅聖均 飾 傅山浦

醫院當中最年長嘅摘藥草嘅人。對於威脅佢地位嘅許浚唔鍾意佢。

車潤廻(音譯) 飾 漢尚

柳家嘅管家。

申順任(音譯) 飾 六月

柳家嘅工人。後來做咗千良太嘅老婆。

內醫院[編輯]趙卿煥 飾 御醫楊禮壽

從先王時代開始就做宮中御醫(王嘅主治醫師),係內醫院最有實力嘅人。喺過去,佢同柳義泰鬥「九針之喜」,輸咗,受到咗好大嘅屈辱。柳義泰嘅仔柳道知同佢嘅弟子許浚出現喺內醫院,佢對此幾驚愕,但亦比較公平噉評估佢哋嘅實力。許浚做咗御醫後,佢信賴許浚嘅醫術,將御醫嘅位置完全交託畀佢。佢係實存人物。

朴鍾官 飾 判官鄭碏

內醫院嘅判官。佢係兩班出身嘅儒醫,對許浚嘅實力評價好高。喺王位繼承問題上,佢同成仁哲一齊支持光海君。

洪性璇 飾 奉事李命源

許浚嘅同期生。張學道嘅老死。鼓勵許浚嘅老友。後來做咗判官(從五品)。

朴光南 飾 判官金應鐸

內醫院判官(從五品)。雖然冇乜大醫術,但佢識睇御醫楊禮壽嘅面色,所以事業順利。啱入內醫院時,柳道知攞金塊賄賂佢,從而令佢撐佢;而許浚同佢調返轉。許浚又初次入院就遲到(李多喜流產導致嘅);佢派人去自己老友嘅兩班屋企去診察,落指示叫佢哋擠補藥落佢哋度,許浚因爲對方健康上冇事,而帶補藥返來;呢啲事令佢將許浚睇做眼中釘。之後因爲張學道嘅請願,御醫楊禮壽直接監查藥房,發覺咗佢哋將啲藥材穿櫃底嘅事,惹來咗御醫嘅憤怒,佢同宋鶴奎一齊左遷去惠民署。佢喺惠民署辯明話「要處理好雜務」,新任嘅內醫院都提調(統括內醫院嘅最高責任者)成仁哲喝佢「唔診察,只做雜務,噉攞咩俸祿啊!」

文熙遠 飾 主簿宋鶴奎

內醫院主簿(從六品)。始終圍住金應鐸轉。

孟床訓 飾 奉事金萬慶

兩班出身嘅儒醫。原本係奉事(從八品),昇進爲直長(從七品)。佢好飲酒,性格豪放,但正義感强過人一倍。佢自願10年以上喺邊個都嫌棄嘅惠民署接診啲貧窮患者。許浚嘅良友。

鄭祜根 飾 奉事鄭泰恩

內醫院嘅醫官。奉事(從八品)。佢見到柳道知有發達,就黐埋佢近邊幫佢,見到許浚叻時就背叛佢。發生疫病時,佢諗盡理由,點都唔想去疫區。

鄭承浩 飾 參奉張學道

許浚嘅同期生。雖然佢口花花噉,不過佢係許浚幾好嘅理解者。佢受命同許浚一齊喺惠民署勤務。後來,做咗主簿。

嚴侑信 飾 御醫女德琴

負責惠民署班醫女嘅人。同紅春一樣,因爲藥嘅事故趕出內醫院。對班醫女來講係母親噉嘅存在。終生獨身。

金惠貞 飾 內醫女小菲崔蘭 飾 內醫女紅春

係宮廷中有關胎產知識最多嘅人。喺先王時活躍喺產室廳,但因爲針嘅事故嘅責任,由內醫院去咗惠民署。之後做咗林吾根嘅老婆,再做埋御醫女。許浚返山陰時,同老公一齊入醫院幫手。

成賢娥 飾 醫女小賢

醫女之中頭腦最醒嘅人,身爲醫女佢嘅志向係向最高嘅御醫女睇齊。醫女禁止揸針,因爲噉會認爲係侮辱咗醫務官,但佢因爲患者急病嘅變化,而施針治療來應對。大姐大嘅桂琴同世希都對佢讓幾分。做咗醫女嘅叡珍係佢好嘅競爭對手。佢早過叡珍一步入咗內醫院,許浚亦做咗內醫院配屬嘅醫員,後來佢就同叡珍一齊輔佐許浚。

李賢京 飾 醫女世希

對中途入來嘅叡珍態度惡劣。靠住美貌選爲宮廷醫女,對柳道知一見鍾情,因爲勾引唔到佢,僞裝成同柳道知過咗一夜,之後更加喺宮中講咗出來,成功令柳道知左遷。之後冇發生乜事,升格爲內醫女,直到白頭到老都喺內醫院勤務。

李周姬(音譯) 飾 醫女彩仙

身爲醫女,佢醫術嘅知識同技藝都好落後,不過佢按摩嘅手勢天下一品。佢夢想將來爲國王按摩,之後因爲染咗疫病而死亡。

高靜敏 飾 醫女彩鈴李葉璽 飾 醫女溫池

同桂琴、世希一齊蝦睿珍。

金瑩(金英善) 飾 惠民署書吏金氏吳廷錫(音譯) 飾 惠民署擣藥使令[註 3]金恩洙(音譯) 飾 醫女桂琴

專蝦後輩醫女嘅人,尤其係新人醫女。

金海貞(音譯) 飾 內醫院嘅內醫女

佢係同紅春一樣嘅內醫女,但同紅春關係唔好。因爲驚動搖到自己嘅地位,佢唔起用御醫女德琴推薦嘅優秀嘅小賢、睿珍做內醫院嘅醫女,而自私噉據自己判斷起用彩仙、世希、溫池。之後睿珍被迫服侍明國使者而試圖自殺時,佢用針治療咗睿珍,留住佢一條命。當恭嬪因爲胎位唔正而難產時,因爲柳道知提佢(實質係紅春嘅知識),而出產無事,所以佢嘅醫術唔夠紅春來。

王室[編輯]朴贊煥 飾 宣祖

朝鮮第14代王。對許浚嘅醫術評價好高,信賴佢。壬辰倭亂時以爲佢背棄王命,好失望,解開誤解後再次信賴佢。

朴珠美 飾 恭嬪金氏

宣祖嘅第一側室。佢受到國王嘅寵愛,代病弱嘅正室(王妃)生咗兩個王子臨海君同光海君,但之後國王嘅寵愛移到新嘅側室,度過咗不遇嘅晚年。

張瑞希 飾 仁嬪金氏

宣祖嘅第二側室。養和堂。佢接替恭嬪,受國王寵愛,生咗信城君、定遠君咁多個王子。佢係之後嘅王仁祖嘅阿嫲。

洪銀姬 飾 仁穆王后

宣祖嘅繼妃。之後因爲王位對抗,畀光海君幽禁,貶去西宮,殺咗佢最𡃶嘅仔永昌大君,後來佢畀仁祖解放。

金承洙 飾 光海君

恭嬪嘅二仔,後來做咗朝鮮第15代國王。自細就畀許浚睇住大,所以佢對許浚好尊敬。父王死後,喺混亂中在位,將繼母仁穆大妃幽閉喺西宮,又將佢嘅仔永昌大君蒸殺,因爲噉,佢畀人睇做僅次於燕山君嘅「暴君」。政變後罰佢去江華島流刑,後來再罰去濟州島。

嬪宮柳氏

光海君嘅正室。雖然做咗中殿,亦都因爲政變而罰佢同丈夫一齊流刑。

其他[編輯]鄭旭 飾 金民世(三積大師)

佢曾經係內醫院嘅宮廷醫官,畀御醫楊禮壽指明做佢嘅後繼者,所以佢嘅醫術程度好高。佢同柳義泰係好耐嘅親友,柳義泰喺物質上、精神上都援助佢嘅三積寺。佢同同期入內醫院嘅安光翼嘅妹結婚,佢嘅仔金尚華畀麻風患者捉咗去,佢好絕望噉搜索佢嘅仔,但金尚華已經殺死咗。佢喺麻風患者一家嘅居所度搜出佢嘅仔,於是將佢一家唔分邊個噉殺曬。佢返去時,佢向麻風患者屋企淨低一人嘅少年懺悔,將死咗嘅仔金尚華嘅名過咗畀佢,收佢做養仔,而佢老婆因爲心悒而吊頸自殺。之後御醫楊禮壽想說服佢留喺內醫院,同佢講佢無過錯,但佢仲係喺內醫院辭退咗。無耐佢出家,建立咗三積寺,去治療啲麻風患者,共佢哋一齊生活。因爲介紹狀份件,許浚趕咗出柳義泰師門,趕出醫院後,許浚一度迷失路頭,後來去咗三積寺,而金民世教佢醫術。

韓仁守 飾 安光翼

佢曾經係內醫院嘅宮廷醫官。同期嘅金民世(三積大師)係佢嘅妹婿,從內醫院辭退後,奔走喺山中捉野獸來解剖。佢喺世間傳播導引術。佢亦係許浚「另一個老師」。

林湖 飾 捕盜廳從事官李政明

原本係吏曹佐郎(正六品),左遷爲捕盜廳從事官(從六品),因爲捲入權力鬥爭,而落入鄭成弼嘅陰謀。佢鍾意睿珍,佢知道睿珍愛慕許浚,但仲係同佢告白咗。之後因爲謀反被捕,判咗死罪,由睿珍運賜藥(王命落嘅毒殺刑),諷刺噉飲咗而死。

鄭明煥 飾 捕盜廳從事官裴天壽

係義禁府嘅武官,原先係捕盜廳嘅從事官。金萬慶嘅老死。喺義州做兵馬都尉(從六品)時曾經因爲走私捉過許浚。

余賢洙 飾 金民世嘅養仔金尚華郭正旭 飾 細時嘅金尚華

三積大師嘅養仔。佢出身嘅父母都係麻風病患者。幼年時因爲不幸嘅事,失去咗屋企人,三積就湊大佢。最初佢好憎三積,但見到佢爲咗治療麻風病而賭自己條命時,佢就改觀咗。之後佢跟許浚喺惠民署學醫術,最初係種藥署員,之後做咗醫官參奉(從九品)。壬辰倭亂時,佢帶住醫書逃亡中,爲咗引誘日本嘅足輕兵,畀火槍爭啲打中冇命,但佢生還咗。

權姸玗(音譯) 飾 秀延

佢作爲麻風病患者帶入三積寺。對金尚華似阿哥噉傾慕佢。後來醫好咗病,做醫女同金尚華一齊入惠民署。

邊希峰 飾 成仁哲大人

住喺昌寧時,佢老婆嘅病畀許浚醫好咗,對許浚寄寓咗絕大嘅信賴。前右議政。之後作爲左議政(正一品)復歸,兼任內醫院嘅都提調(正一品),而同許浚再會。到王位繼承嘅派閥鬥爭時,佢作爲光海君派請求過許浚嘅協助。角色原型係做過宣祖左議政嘅嬪宮老豆柳希春。

尹汝貞 飾 成仁哲老婆

佢接受許浚嘅中風治療,完全醫好咗。原型係宋德奉。

車光洙 飾 成明勳朴英知 飾 鄭成弼大人

佢策劃咗妨礙光海君繼承王位嘅計劃。西人嘅重臣。

朱玟俊(音譯) 飾 恭嬪金氏細佬金禮直

恭嬪嘅細佬。患咗口眼咼斜(hau2 ngaan5 waa1 ce4;面部麻痹,個口會歪),最初畀柳道知治療,一度醫好咗,但又復發;許浚醫好過同樣症狀嘅患者,都提調成仁哲命令佢去診療。許浚用脈診查出佢有初期反胃(胃癌),之後連埋口眼咼斜都醫好曬。喺治療中,佢傲慢而自私嘅性格令許浚負過傷,醫好病後性格變咗,感謝咗許浚。

李桂仁 飾 阿石

爲咗治療阿媽嘅病,令許浚喺最初嗰次科舉試驗最後滯留落來。佢阿媽回復咗一次,許浚話咗畀佢聽「呢啲藥飲過咗隻眼會盲」,事前要注意,但佢冇聽,然後又要許浚治療失去視力嘅阿媽,唔講道理噉整咗個難題。

崔尚勳 飾 仁嬪金氏阿哥金公諒

仁嬪嘅哥。佢認爲柳道知係優秀嘅醫官,令佢獲得仁嬪嘅信賴。同鄭成弼一齊陷害光海君。

金周映 飾 黃海監使李大路 飾 柳道知夫人權淑貞阿爸權赫修全惠秀 飾 伎生具敏池(音譯) 飾 順德

許浚嘅第一個患者。係個後生女仔,喺結婚前,因爲胳肋底味大(狐臭),好煩惱而吊頸,結果意識唔清,佢父母就送咗佢入許浚屋企。

劇組[編輯]劇本:崔完圭導演:李丙勳受獎[編輯]2000年MBC演技大獎女子最優秀演技獎/放送記者團選定今年天賦獎:黃秀貞2000年MBC演技大獎大獎:田光烈2000年百想藝術大獎TV部門人氣獎:田光烈主題曲[編輯]原版:《不忍別曲》(불인별곡)— 林世賢 作詞作曲;曹秀美 演唱港版:《醫道》— 張美賢、李克勤 作詞;杜自持 作曲;李克勤 演唱睇埋[編輯]《執念》(1975~1976年)《東醫寶鑑》(1991年劇集)《龜巖許浚》(2013年劇集)參攷資料[編輯]KoreanWiz - Huh Joon(英文)註[編輯]↑ 部劇集嘅中文譯製成「翻胃」,字唔啱,對應嘅韓文諺文係반위,對應嘅漢字寫法係「反胃」。↑ 按陽川許氏嘅族譜,許浚老婆係安東金氏。↑ 劇集嘅中文譯製成「都藥使令」,字唔啱,對應嘅韓文係도약사령,對應嘅漢字係「擣藥使令」。攷[編輯]↑ 배국남(字未定,僅參攷:裴國南) (2000年6月28號). "사랑과 의술을 남기고 허준은 떠났다(漢諺:사랑과 醫術을 남기고 許浚은 떠났다[[Category:有韓文嘅文章]];粵譯:留低愛同醫術而去嘅許浚)". 주간한국(週間韓國) (韓文). 原著喺2016年3月4號歸檔. 喺2017年2月26號搵到. URL–wikilink conflict (help)↑ "전광렬 '허준' 2000년 후 최고 드라마 50%대 시청률 유일(漢諺:田光烈 '許浚' 2000年後 最高 드라마 50%臺 視聽率 唯一[[Category:有韓文嘅文章]];粵譯:田光烈「許浚」係2000年後最高劇集、唯一收視率過50%)". 일간스포츠(日刊sports;粵譯:每日體育) (韓文). 2007年10月13號. 喺2017年2月27號搵到. URL–wikilink conflict (help)↑ 김가희(字未定,僅參攷:金家熙) (2001年9月16號). "김상중·송윤아 "사극 출연할걸"(漢諺:金相中·宋玧妸 "史劇出演할걸"[[Category:有韓文嘅文章]];粵譯:金相中、宋玧妸:出演歷史劇嘅事)". 일간스포츠(日刊sports;粵譯:每日體育) (韓文). 喺2017年2月27號搵到. URL–wikilink conflict (help)↑ 배국남(字未定,僅參攷:裴國南) (2012年11月12號). "[스타 Before & After] 1999년 '허준' 황수정, 지금은?(漢諺:[스타 Before & After] 1999年 '許浚' 黃秀貞, 只今은?[[Category:有韓文嘅文章]];粵譯:〔明星前後〕1999年《許浚》嘅黃秀貞,而家點?)". 이투데이(Etoday) (韓文). 原著喺2016年8月21號歸檔. 喺2017年2月27號搵到. URL–wikilink conflict (help)連出去[編輯]MBC《許浚》主頁(韓文)TVB《醫道》主頁 (語體中文)BS日視主頁 (日文)BS朝日主頁 (日文)韓國劇集《許浚》,innolife.net (日文)《許浚》作品介紹,韓國藝能 (日文)
免责声明:非本网注明原创的信息,皆为程序自动获取自互联网,目的在于传递更多信息,并不代表本网赞同其观点和对其真实性负责;如此页面有侵犯到您的权益,请给站长发送邮件,并提供相关证明(版权证明、身份证正反面、侵权链接),站长将在收到邮件24小时内删除。

相关阅读